مالدیپ کی حسینہ کی موت گلا گھوٹنے سے ہوئی، رپورٹ

ڈھاکا ۔۔۔۔۔ اپنی خوبصورت آنکھوں سے مشہور ہونیوالی مالدیپ کی طالبہ روضہ عاطف کی موت گلا گھوٹنے سے ہوئی ہے وہ یہاں تعلیم حاصل کرنے کیلئے آئی تھی اور راج شاہی میڈیکل کالج میں پڑھ رہی تھی۔اس کے والد کا کہنا ہے کہ یہ حقیقت ظاہر ہو چکی ہے کہ اسے اس کی ہی ایک طالبہ نے گلا گھونٹ کرمارا ہے ۔ واضح ہو کہ روضہ عاطف ملک میں تو مشہور تھی ہی مگر فیشن کے بین الاقوامی جریدے ووگ کے سر ورق کی زینت بننے کے بعد اس نے عالمی شہرت حاصل کر لی تھی ۔ 21سالہ روضہ بنگلا دیش نے اسلامی بینک کے زیر اہتمام قائم میڈیکل کالج کی طالبہ تھی ۔ روضہ کے والد محمد عاطف نے اب اپنی بیٹی کی ہم جماعت طالبہ کے خلاف قتل کا مقدمہ درج کرا دیا ہے ۔ محمد عاطف کا کہنا ہے کہ اس لڑکی نے پہلے ان کی بیٹی کا گلا گھونٹا اور پھر اسے خودکشی کا رنگ دینے کی کوشش کی۔