جدہ: رقم منتقل کرنےوالی وین کو لوٹنے والا غیر ملکی گرفتار
جمعرات 21 اپریل 2022 20:38
ملزم سے لوٹی گئی رقم بھی برآمد کرلی گئی(فوٹو، اخبار24)
جدہ پولیس کے ترجمان نے کہا ہے کہ رقم منتقل کرنے والی کمپنی کے اہلکار سے 3 لاکھ 40 ہزار ریال لوٹ کرفرار ہونے والےغیرملکی کو گرفتار کرلیا گیاہے۔
سعودی خبررساں ایجنسی ’ایس پی اے‘ کے مطابق جدہ پولیس نے بتایا کہ رقم منتقل کرنے والی کمپنی کے اہلکار سے مصری شہری نے تیز دھارآلہ دکھا کر رقم چھینی تھی۔ ملزم واردات کے بعد فرار ہوگیا ۔
واردات کی اطلاع ملتے ہی پولیس نے منظم انداز میں کام کرتے ہوئے ملزم کو گرفتار کرلیا۔ابتدائی تحقیقات میں واردات میں استعمال ہونے والا آلہ بھی برآمد کرلیا گیا۔
پولیس نے ملزم کے قبضے سے لوڈی گئی رقم بھی برآمد کرلی۔
پولیس کا کہنا تھا کہ مصری باشندے کو قانونی کارروائی مکمل کرنے کے بعد پبلک پراسیکیوشن کی تحویل میں دے دیا گیا۔ اس پر ملک میں بدامنی پھیلانے اور لوٹ مار کرنے کے الزامات ہیں۔
