پاکستان کی موجودہ اتحادی حکومت نے تحریک انصاف کے دور میں کرپشن سے متعلق ٹرانسپرنسی انٹرنیشنل کی رپورٹ میں استعمال ہونے والے ڈیٹا کو غلط قرار دیتے ہوئے کہا ہے کہ وہ ڈیٹا پاکستان میں کرپشن میں اضافے کی حقیقی تصویر پیش نہیں کرتا۔
سینیٹ آف پاکستان میں وزارت قانون کی جانب سے جمع کروائے گئے ایک تحریری جواب میں کہا گیا ہے کہ پاکستان میں کرپشن کے خاتمے کے لیے مینڈیٹ نیب کے پاس ہے۔ نیب کا ادارہ آگاہی، تدارک اور انفورسمنٹ کے ذریعے کرپشن کے خاتمے کے لیے کوشاں ہے۔
’ٹرانسپرنسی انٹرنیشنل کا کرپشن انڈیکس آٹھ بنیادی نکات پر مبنی ہوتا ہے جن میں اکثریت کا تعلق گورننس سے ہے۔ اس لیے نیب نے اس حوالے سے کسی قسم کا تبصرہ کرنے اور جواب دینے سے معذرت کی ہے۔‘
مزید پڑھیں
-
’باہر کرپشن پر لوگ خودکشی کر لیتے ہیں یہاں پھول پھینکے جاتے ہیں‘Node ID: 649651
-
’نیب نے اب تک سیاست دانوں سے صرف 4 کروڑ 70 لاکھ روپے وصول کیے‘Node ID: 661221