کویت کی خیمہ مارکیٹ میں خوفناک آتشزدگی 

کویت کے علاقے الری کی خیمہ مارکیٹ میں پیر کو خوفناک آگ بھڑک اٹھی۔ فائر بریگیڈ کی ٹیمیں آگ بجھانے میں مصروف ہیں۔ 

کویتی اخبار الری کےمطابق فائربریگیڈ کی چار ٹیمیں آگ بجھانے اوراسے پھیلنے سے روکنے کی کوششیں کررہی ہیں۔

کویتی فائر فورس ( کے ایف ایف) نے بیان میں کہا کہ’ آگ سے متاثرہ علاقہ تقریبا چار ہزار مربع میٹر کا ہے جہاں خیمے اور خیمے کی تیاری میں استعمال ہونے والا پلاسٹک کا سامان موجود ہے‘۔ 

خیمہ مارکیٹ میں آتشزدگی اوراسے بجھانے کی کارروائی کے وڈیو کلپ سوشل میڈیا پر وائرل ہیں جس میں دیکھا جا سکتا ہے کہ علاقے پرگہرے دھوئیں کے بادل چھائے ہوئے ہیں۔