امریکی صدر کی گاڑی ’بِیسٹ‘ دنیا کی مہنگی ترین کار
ہفتہ 16 جولائی 2022 10:49
’اس کے ٹائر فائرنگ سے نہیں پھٹ سکتے جبکہ دروازوں کی موٹائی 20 انچ ہے‘ ( فوٹو: سبق)
امریکی صدر کی مشہور زمانہ گاڑی کا نام بِیسٹ ہے اور یہ دنیا کی مہنگی اور محفوظ ترین کار ہے۔
سبق ویب سائٹ کے مطابق اس گاڑی کی خصوصیت یہ ہے کہ یہ بم پروف ہے جس پر نہ میزائل حملہ اثر کرتا ہے نہ ہی اس کو دھماکے سے اڑایا جا سکتا ہے۔
یہ کار چھ طاقت ور سلنڈروں کے ساتھ زمین پر ایک قسم کا چلتا پھرتا جہاز بھی ہے۔
اس گاڑی کی تیاری پر کم و بیش 1.5 ملین ڈالر کے اخراجات بتائے جاتے ہیں۔
جو بائیڈن امریکہ کے 46 ویں صدر ہیں اور اسی مناسبت سے گاڑی کی نمبر پلیٹ پر بھی 46 لکھا گیا ہے۔
![](/sites/default/files/pictures/July/36481/2022/1514621-62165302.jpg)
یہ کار چھ طاقت ور سلنڈروں کے ساتھ زمین پر ایک قسم کا چلتا پھرتا جہاز بھی ہے۔ (فوٹو: سبق)
یہ گاڑی کیڈلک کمپنی کی تیار کردہ ہے جس میں سات افراد سوار ہو سکتے ہیں۔
اس گاڑی میں تاریکی میں دیکھنے کے لیے خصوصی کیمروں کے علاوہ کیمائی حملوں سے محفوظ رکھنے والے خصوصی انتظامات بھی ہیں۔
اس کی ایک خاص بات یہ بھی ہے کہ اس کے ٹائر فائرنگ سے نہیں پھٹ سکتے جبکہ دروازوں کی موٹائی 20 انچ ہے۔