سعودی قیادت کی طرف سے امیر کویت کو تعزیتی مکتوب

خادم حرمین شریفین شاہ سلمان بن عبد العزیز اور ولی شہزادہ محمد بن سلمان نے کویت کے شیخ سعود فاضل الصباح کی وفات پر افسوس کا اظہار کیا ہے۔

سعودی پریس ایجنسی کے مطابق سعودی قیادت نے کویتی قیادت کو تعزیتی پیغامات ارسال کئے ہیں۔

شاہ سلمان نے امیر کویت شیخ نواف الاحمد الجابر الصباح کو تعزیتی مکتوب میں کہا ہے کہ ’ہمیں شیخ سعود فاضل الصباح کی وفات پر صدمہ ہوا ہے‘۔

’ہم آپ کو اور متوفی کے لواحقین کو تعزیت پیش کرتے ہوئے بلندی درجات کی دعا کرتے ہیں‘۔

اسی طرح کا مکتوب ولی عہد شہزادہ محمد بن سلمان  کی طرف سے امیر کویت شیخ نواف الاحمد الجابر الصباح  اور ولی عہد شیخ مشعل الاحمدالجابر الصباح کو بھی ارسال کئے گئے ہیں۔

ولی عہد شہزادہ محمد بن سلمان نے اپنے مکتوب میں کہا ہے کہ ’شیخ سعود کی وفات کی اطلاع ملنے پر افسوس ہوا ہے‘۔

’اس غم میں ہم آپ کے برابر کے شریک ہیں اور دعا کرتے ہیں کہ اللہ تعالی انہیں جنت کا اعلی مقام عطا فرمائے‘۔