چینی صدر کی سعودی عرب آمد فلم فیسٹیول میں شوبز کی معروف شخصیات کی شرکت،جدہ میں کتاب میلہ سمیت گزشتہ ہفتہ کی ویڈیوز
جمعرات 15 دسمبر 2022 0:07
چینی صدر سرکاری دورے پر سعودی عرب :سرکاری دورے پر سعودی عرب پہنچنے والے چینی صدر کا پرتپاک استقبال کیا گیا ۔
سعودی عرب اور چین کے درمیان شراکت داری کے 35 معاہدوں پر دستخط:شاہ سلمان نے چینی صدر اوران کے ہمراہ وفد کو سعودی عرب میں خوش آمدید کہا جب کہ چینی صدر نے مملکت کے دورے پرمسرت کا اظہار کیا۔
دس روزہ ریڈ سی فلم فیسٹیول میں شوبز کی معروف شخصیات کی شرکت:دس روزہ ریڈ سی انٹرنیشنل فلم فیسٹیول میں شوبز کی معروف شخصیات شرکت کر رہی ہیں ۔ ریڈ سی انٹرنیشنل فلمی میلے کے ایگزیکٹیو ڈائریکیٹر محمد الترکی، ریڈ سی انٹرنیشنل فلمی میلے کی چیئرپرسن اور سعودی ریسرچ اینڈ میڈیا گروپ کی سی ای او جمانا الراشد نے شوبز کی معروف شخصیات کا استقبال کیا ۔
بالی وڈ اداکار اکشے کمار کی ریڈ سی فلم فیسٹیول میں شرکت:بالی وڈ اداکار اکشے کمار نے جدہ میں ہونے والے ریڈ سی انٹرنیشنل فلم فیسٹیول میں شرکت کی ۔ اکشے کمار فیسٹیول میں مباحثے کے سیشن میں شریک ہوئے اور لوگوں کے سوالوں کے جوابات دیے ۔ ریڈ سی انٹرنیشنل فلم فیسٹیول کے سی ای او محمد الترکی اور ایس آر ایم جی گروپ کی سربراہ جمانا الراشد نے اکشے کمار کا استقبال کیا۔
ماہرہ خان کی ریڈ سی فلم فیسٹیول میں شرکت، ’جدہ آنے کا تجربہ شاندار رہا‘:ریڈ سی انٹرنیشنل فلم فیسٹیول میں پاکستانی اداکارہ ماہرہ خان نے بھی شرکت کی۔ اردو نیوز کے نامہ نگار ایاز چوہدری کو دیے گئے انٹرویو میں ماہرہ خان کا کہنا تھا کہ وہ پہلے کبھی جدہ نہیں آئی تھیں۔
جدہ میں رنبیر کپور کی کنورسیشن سیشن میں شرکت:بالی وڈ سٹار رنبیر کپور نے ریڈ سی مال کے سینما میں کنورسیشن میں شرکت کی ۔ سعودی عرب ، پاکستان اور انڈیا کے شہریوں نے بالی وڈ سٹار سے سوالات پوچھے اور ملاقات کی ۔
بالی وڈ سٹار ریتک روشن کی ریڈ سی انٹرنیشنل فلم فیسٹیول میں شرکت:ریڈ سی انٹرنیشنل فلم میلے کے زیر انتظام کنورسیشن سیشن میں بالی وڈ سٹار ریتک روشن نے شرکت کی ۔
سعودی روایتی رقص العرضہ کو متعارف کرانے کےلیے نمائش منعقد:وزارت ثقافت کی جانب سے ریاض کے قصر المصمک میں سعودی روایتی رقص العرضہ کو متعارف کرانے کےلیے خصوصی نمائش کا اہتمام کیا گیا ہے ۔
ریاض میں محفل مشاعرہ اور کلچرل پروگرام:سعودی عرب میں آزاد کشمیر کی ثقافت پر مبنی محفل مشاعرہ منعقد کی گئی ۔ پروگرام میں فنکاروں نے بھرپورفن کا مظاہرہ کیا۔
طائف میں زیر تعمیر عمارتوں کا تفتیشی دورہ:طائف میونسپلٹی نے زیر تعمیر عمارتوں کا تفتیشی دورہ کر کے ضوابط و ہدایات پر عمل درآمد کی یقین دہانی کروائی اور خلاف ورزیوں پر نوٹس جاری کیا ۔
جدہ سپر ڈوم میں کتاب میلہ منعقد:جدہ سپر ڈوم میں کتاب میلہ منعقد کیا گیا جو 17 دسمبر تک جاری رہے گا۔ میلے میں 900 مقامی اور بین الاقوامی ناشران شرکت کر رہے ہیں ۔
سوق القیصریہ میں روایتی وثقافتی میلہ:الاحسا میں سوق القیصریہ سج گیا ہے جہاں روایتی ، ثقافتی میلہ منعقد ہے ۔ یہاں علاقے کی تہذیبی ورثے کو اجاگر کیا جا رہا ہے ۔
