حائل شہری گرفتار، ایک کلو چرس اور نشہ آور گولیاں ضبط

حائل ریجن پولیس نے ایک شخص کو گرفتار کیا ہے جس کے قبضے میں ایک کلو چرس جبکہ 1963 نشہ آور گولیاں برآمد ہوئی ہیں۔

سبق ویب سائٹ کے مطابق پولیس نے کہا ہے کہ ’گرفتار شدہ شخص سعودی شہری ہے‘۔

پولیس نے کہا ہے کہ’خفیہ پولیس سے مذکورہ شہری کے بارے میں معلومات موصول ہوئی تھیں‘۔

’ادارہ انسداد منشیات کے تعاون سے منصوبہ بند طریقے سے مذکورہ شخص کو رنگے ہاتھوں گرفتار کیا گیا ہے‘۔

’اس سے تفتیش جاری ہے تاکہ اس سے دیگر ساتھیوں کے بارے میں معلوم کیا جائے‘۔

پولیس نے کہا ہےکہ ’ضابطے کی کارروائی مکمل ہونے پر اسے پبلک پراسیکیوشن کے حوالے کردیا جائے گا‘۔