ٹریفک سگنل توڑنے پر جرمانہ کم کرنے کی تجویز،عازمین حج کے لیے چار پیکیجز سمیت سعودی عرب میں گذشتہ ہفتے کی اہم خبریں

سعودی عرب میں گذشتہ ہفتے مسجد الحرام میں برفباری کے مناظر، وزٹ ویزے کی اقامے میں تبدیلی، عازمین حج کے لئے پیکجز، ٹریفک توڑنے پر جرمانے اور ٹرین چلانے والی سعودی خواتین سے متعلق خبروں صارفین کی توجہ کا مرکز رہیں۔

’مسجد الحرام میں برفباری کے مناظر کی وڈیو فوٹو فیک ہے‘

سعودی عرب میں موسمیات کے قومی مرکز نے کہا ہے کہ ’مسجد الحرام مکہ مکرمہ میں برفباری اور ژالہ باری کے مناظر پر مشتمل سوشل میڈیا پر وائرل وڈیو کا حقیقت سے کوئی تعلق نہیں ہے‘۔

الاخباریہ چینل کے مطابق قومی مرکز نے بیان میں کہا کہ مسجد الحرام میں برفباری کے منظر پر مشتمل وڈیو فوٹو شاپ ہے۔

مکمل خبر پڑھنے کے لیے کلک کیجیے

کس ملک کے شہری وزٹ ویزے کو اقامے میں تبدیل کرا سکتے ہیں؟

سعودی عرب میں وزٹ ویزے کے ضوابط پرعمل کرنا ضروری ہے۔ قانون کے مطابق وزٹ ویزے کی مدت ختم ہونے سے قبل مملکت سے ایگزٹ کرنا ہوتا ہے۔

مملکت میں فیملی وزٹ ویزے دوطرح کے جاری کیے جاتے ہیں۔ ایک ویزا سنگل انٹری ہوتا جس کی انتہائی مدت 180 دن ہوتی ہے۔

سنگل انٹری ویزے پرآنے والوں کو 180 دن ختم ہونے سے قبل مملکت سے ایگزٹ کرنا ہوتا ہے۔ اس کے بعد دوبارہ آنے کی صورت میں نیا ویزا جاری کرانا ہوتا ہے۔

مکمل خبر پڑھنے کے لیے کلک کیجیے

سعودی عرب: اندرون ملک عازمین حج کے لیے چار پیکیجز کا اعلان

وزارت حج و عمرہ نے امسال اندرون ملک سے عازمین حج کے لیے پیکیجز کا اعلان کردیا ہے۔

سبق ویب سائٹ کے مطابق کم سے کم پیکیج 3465 ریال کا ہے جس میں ایلیو ایڈٹ ٹیکس (ویٹ) شامل نہیں ہے۔

وزارت نے کہا ہے کہ ’اندرون ملک عازمین کے لیے چار پیکیجز متعارف کرائے جارہے ہیں۔‘

مکمل خبر پڑھنے کے لیے کلک کیجیے

ٹریفک سگنل توڑنے پر جرمانہ تین ہزار سے کم کر کے 500 ریال کرنے کی تجویز

سعودی مجلس شورٰی کے سابق رکن میجر جنرل (ر) عبداللہ السعدون نے ٹریفک سگنل توڑنے پر جرمانے کی رقم تین ہزار سے کم کر کے 500 ریال کرنے کی تجویز دی ہے۔

اخبار 24 کے مطابق سابق رکن شورٰی نے اپنے ٹوئٹر اکاؤنٹ پر ارکان شورٰی سے درخواست کی کہ ’وہ اس تجویز پر ٹریفک قانون کی متعلقہ دفعہ میں ترمیم کریں۔‘

مکمل خبر پڑھنے کے لیے کلک کیجیے

’خواب پورا ہوگیا‘، سعودی خواتین پہلی مرتبہ حرمین ٹرین چلانے لگیں

سعودی عرب میں پہلی مرتبہ خواتین نے حرمین ایکسپریس چلانے کا آغاز کردیا۔

سعودی ریلوے ’سار‘ نے سعودی خاتون ٹرین ڈرائیور کی وڈیو اپنے ٹوئٹر اکاؤنٹ پر شیئر کی ہے جو سوشل میڈیا پر وائرل ہے۔

العربیہ نیٹ کے مطابق سعودی ریلوے ’سار’ نے تیز رفتار ٹرین چلانے کی ٹریننگ مکمل کرنے والی 24 سعودی خواتین کی وڈیو شیئر کی ہے۔ دنیا کی تیز رفتار ٹرینوں میں سے ایک حرمین ٹرین چلانے کےلیے ان کا خواب پورا ہوگیا۔

مکمل خبر پڑھنے کے لیے کلک کیجیے

مکہ، جدہ اور رابغ میں بارش کے حوالے سے ہائی الرٹ جاری

سعودی عرب میں موسمیات کے قومی مرکز نےمکہ، جدہ اور رابغ میں بارش کے حوالے سے ہائی الرٹ جاری کیا ہے۔

اخبار 24 کے مطابق قومی مرکز  نے بیان میں کہا کہ ’مکہ مکرمہ ریجن کی کمشنریوں میں بارش کا سلسلہ پیر کی سہ پہر تک جاری رہنے کا امکان ہے۔‘

مکمل خبر پڑھنے کے لیے کلک کیجیے