شہر کے مضافاتی علاقے کے ایک گھر سے ایبی چوئی کی کٹی ہوئی ٹانگیں ایک ریفریجریٹر سے برآمد ہوئی ہیں۔
پولیس کو چوئی کے جسم کے اعضا جمعے کو ملے تھے تاہم وہ ابھی تک اُن کا سر، دھڑ اور ہاتھ نہیں ڈھونڈ پائے۔
پولیس نے اپنے بیان میں بتایا ہے کہ ’گوشت کاٹنے والا اوزار اور الیکٹرک آری ٹائی پو نامی ایک دیہی ضلعے سے برآمد کر لی گئی ہے۔‘
مقامی انتظامیہ ان کے بقیہ اعضا کو ڈرون کیمروں اور ماہرین کی ایک ٹیم کے ذریعے ڈھونڈ رہی ہے۔
پولیس کے بیانات کے مطابق ابھی تک چار افراد کو گرفتار جبکہ تین مزید افراد کو مقدمے میں شامل کر لیا گیا ہے۔
مقامی انتظامیہ ایبی چوئی کے بقیہ اعضا کو ڈرون کیمروں اور ماہرین کی ایک ٹیم کے ذریعے ڈھونڈ رہی ہے۔ (فوٹو: ٹوئٹر)
ایبی چوئی حالیہ دنوں میں ایک فیشن میگزین کے ڈیجیٹل کور کی بھی زینت بنی تھیں۔
مقامی نشریاتی ادارے ٹی وی بی کے مطابق چوئی کے سابقہ شوہر الیکس کوونگ کو بھی سنیچر کو گرفتار کیا گیا تھا تاہم ابھی تک ان پر مقدمہ درج نہیں گیا۔ جبکہ ان کے سابقہ دیور اور سسر کو قتل کے الزام میں گرفتار کر لیا گیا ہے۔
ان کی سابقہ ساس کو بھی کیس کی تحقیقات میں رکاوٹ پیدا کرنے کے جرم میں گرفتار کیا گیا ہے۔
خیال رہے ایبی چوئی منگل کو لاپتہ ہوئی تھی اور انہیں آخری مرتبہ ضلع تائی پو میں دیکھا گیا تھا۔
انڈیا: پیسے نہ ہونے پر آئی فون پہنچانے والا ڈیلیوری بوائے قتلNode ID: 744816
