سعودی ایئرپورٹس پر مسافروں کے پاسپورٹ پر ’رمضان سیزن 1444ھ’ کی خصوصی مہر
جدہ اور ریاض ایئرپورٹ پر خصوصی مہر لگائی جا رہی ہے( فوٹو: ٹوئٹر جوازات)
سعودی محکمہ پاسپورٹ نے ’رمضان سیزن 1444ھ’ کو یادگار بنانے کے لیے وزارت ثقافت کے تعاون سے خصوص مہر لگانا شروع کی ہے۔
اخبار 24 کے مطابق جدہ کے کنگ عبدالعزیز اور ریاض کے کنگ خالد انٹرنیشنل ایئرپورٹس پر مسافروں کے پاسپورٹ پر رمضان سیزن 1444ھ کی خصوصی مہر لگائی جارہی ہے۔
اس کا مقصد رمضان کے قدیم رسم و رواج کا احیا ہے ( فوٹو: ٹوئٹر جوازارت)
محکمہ پاسپورٹ کا کہنا ہے کہ ’اس کا مقصد رمضان کے رسم و رواج اور تاریخی ثقافتی ورثے کو یادگار بنانا اور قدیم رسم و رواج کا احیا ہے‘۔
یاد رہے کہ سعودی وزارت ثقافت رمضان سیزن 1444ھ کے تحت مختلف ثقافتی، سماجی سرگرمیوں اور سپورٹس پروگراموں کا پیکیج جاری کیے ہوئے ہے۔
