سوڈان سے انخلا: مزید 450 سے زیادہ  افراد جدہ پہنچ گئے

سوڈان سے خانہ جنگی کے بحران میں مبتلا افراد کو نکالنے کے لیے سعودی عرب کا انخلا پروگرام جاری ہے۔ اتوار  7 مئی  2023 کو سوڈان سے 2 سعودی جہاز مختلف ملکوں کے 450 سے زیادہ افراد کو لے کر جدہ  بندرگاہ پہنچے۔

العربیہ اور الاخباریہ چینل کے مطابق الریاض اور ابہا جہاز اتوار کو جدہ کے کنگ فیصل سی بیس پہنچے۔

چینل کی رپورٹ میں مزید بتایا گیا ہے کہ سوڈان سے ایک  سعودی طیارہ مختلف  ملکوں کے  70 افراد کو لے کر جدہ پہنچا۔ یہ فضائی راستے سے غیرملکیوں کو سعودی عرب لانے والا تیسرا سعودی طیارہ ہے۔

یاد رہے کہ سعودی عرب برادر اور دوست ملکوں کے شہریوں کا انخلا پروگرام اعلی قیادت کی ہدایت پر چلائے ہوئے ہے۔ علاقائی و بین الاقوامی برادری کی جانب سے  سعودی  عرب کے انسانیت نواز مشن کی بے حد تعریف کی جارہی ہے۔

واٹس ایپ پر سعودی عرب کی خبروں کے لیے ”اردو نیوز“ گروپ جوائن کریں