شہزادہ فیصل بن فرحان سے یورپی یونین کے نمائندے کا رابطہ

وزیر خارجہ شہزادہ فیصل بن فرحان سے یورپی یونین کے نمائندہ برائے خارجی امور جوزف پورل نے ٹیلیفونک رابطہ کیا ہے۔

سعودی پریس ایجنسی کے مطابق دونوں رہنماؤں نے سوڈان کے تازہ ترین حالات پر تبادلہ خیال کیا ہے۔

سعودی، امریکی تجویز پر جدہ میں سوڈانی متحارب گروہوں کے درمیان مذاکرات کے ممکنہ انعقاد پر بھی بات چیت کی گئی ہے۔

سعودی وزیر خارجہ اور یورپی یونین کے نمائندے نے خطے کو درپیش حالات اور مشترکہ مفادات کے تحفظ کے متعلق بھی گفتگو کی ہے۔