سعودی دارالحکومت ریاض کے علاقے الفیصلیہ میں اتوار کو دو ریسٹ ہاوسز( استراحہ) میں لگی آگ پر قابو پالیا گیا۔
محکمہ شہری دفاع نے اپنے آفیشل ایکس اکاونٹ پر بیان میں کہا کہ’ ریسٹ ہاوسز میں لگنے والی آگ سے کوئی جانی نقصان نہیں ہوا‘۔
بیان کے مطابق’ آتشزدگی کے اسباب کی تحقیقات کی جا رہی ہے‘۔
علاوہ ازیں محکمہ شہری دفاع کا کہنا ہے کہ ’گھروں کے علاوہ عمارتوں، دفاتر، تجارتی مالز اور بازاروں میں سلامتی کے ضوابط کی پابندی کرنا بہت ضروری ہے‘۔
’رہائشیوں کی طرف سے ذرا سی توجہ اور سلامتی کے معمولی آلات رکھنے کا اہتمام بڑے نقصانات سے بچا سکتا ہے‘۔
