فالکن کلب کے میلے میں اب تک 60 لاکھ ریال کا کاروبار

ریاض میں منعقد فالکن کلب کے میلے میں اب تک 60 لاکھ ریال سے زیادہ کا کاروبار ہوا ہے۔

سبق ویب سائٹ کے مطابق کلب کے تحت میلہ گزشتہ 25 دن سے جاری ہے۔

انتظامیہ نے کہا ہے کہ ’گزشتہ رات 4 باز مجموعی طور پر تین لاکھ 19 ہزار ریال میں فروخت ہوئے ہیں‘۔

’پہلے باز پر بولی آغاز40 ہزار سے ہوا اور بولی 71 ہزار پر بند ہوگئی، دوسرا باز ایک لاکھ 16 ہزار، تیسرا 25 ہزار جبکہ چوتھا باز 80 ہزار ریال میں فروخت ہوا ہے‘۔

’بازوں کی نیلامی  فالکن کلب کے تمام سوشل اکاؤنٹس پر براہ راست دیکھی جاسکتی ہے‘۔