صحرائی وادی العمق میں واقع غار’الشفا‘ میں خاص کیا؟

سعودی عرب میں ریاض ہائی وے پر صحرائی وادی العمق میں واقع چٹانی غار’الشفا‘ سیاحوں میں غیرمعمولی طورپر مقبول ہورہی ہے۔

بڑے بڑے چٹانی پتھر قدرتی طورپر اس طرح جمع ہیں کہ وہ ایک غار کی شکل اختیار کرگئے ہیں۔ 

الاخباریہ چینل کے مطابق الرین کمشنری کی ایک صحرائی وادی میں ’غار الشفا‘ واقع ہے۔ دور سے دیکھنے میں یہ غار ایک چٹان ہی دکھائی دیتی ہے تاہم قریب جانے پرچٹانوں کے درمیان کشادہ جگہ ہے جہاں آرام سے چند افراد بیٹھ سکتے ہیں۔ 

کمشنری کی بلدیہ نے غار کو سیاحتی مقام قرار دیتے ہوئے اس کے اطراف تزئین و آرائش کا کام مکمل کرلیا جبکہ غار تک جانے کےلیے سیڑھیاں بھی تعمیرکی گئی ہیں۔ 

غار میں بیٹھ کر صحرائی وادی کے دلکش نظاروں سے لطف اندوز ہوا جاتا ہے۔ غار کو دیکھنے اوریہاں کے فطری مناظر سے لطف اندوز ہونے کے لیے سیاح بڑی تعداد میں وادی الرین کا رخ کررہے ہیں۔