سعودی ایجنسی کی جانب سے غزہ میں فوڈ باسکٹ کی تقسیم کا سلسلہ جاری
سعودی ایجنسی کی جانب سے غزہ میں فوڈ باسکٹ کی تقسیم کا سلسلہ جاری
بدھ 3 جنوری 2024 18:04
یہ امداد سعودی عرب کی تاریخی سپورٹ کے فریم ورک کے اندر آتی ہے (فوٹو: ایس پی اے)
سعودی عرب کے شاہ سلمان مرکز برائے امداد و انسانی خدمات کی جانب سے فلسطینی ہلال احمر کے تعاون سے فلسطینی متاثرین میں انسانی امداد کی تقسیم کا سلسلہ جاری ہے۔
سرکاری خبر رساں ایجنسی ایس پی اے کے مطابق بدھ کو غزہ کے جنوب میں رفح شہر کے مشرق میں واقع تلبیہ میں فوڈ باسکٹ اور شیلٹرز تقسیم کیے جس کا مقصد بنیادی ضروریات کو پورا اور مصائب کو کم کرنا ہے۔
یہ امداد غزہ میں برادر فلسطینی عوام کے لیے انسانی اور امدادی شعبوں میں فلسطین کےلیے سعودی عرب کی تاریخی سپورٹ کے فریم ورک کے اندر آتی ہے۔
امدادی سامان لے کر 36 طیارے اور چار بحری جہاز مصر پہنچ چکے ہیں۔(فوٹو: ایس پی اے)
سعودی عرب کی امدادی ایجنسی شاہ سلمان مرکز کے ذریعے مختلف بحرانوں اور مصائب میں برادر اور دوست ملکوں کےلیے مملکت کے انسانی ہمددری کے کردار کا مظہر ہے۔
طبی سامان بھی فلسطینی ہلال احمر کے ذریعے غزہ لایا گیا ہے جو ہسپتالوں میں تقسیم کیا جارہا ہے۔
سعودی عرب کی جانب سے غزہ کے متاثرین کے لیے عوامی عطیات مہم میں اب تک 600 ملین ریال سے زیادہ کی رقم جمع کی جا چکی ہے۔
غزہ کے لیے امدادی سامان لے کر 36 طیارے اور چار بحری جہاز مصر پہنچ چکے ہیں۔
