جدہ ایئرپورٹ پر47.7 ملین مسافر، تعداد میں 36 فیصد اضافہ

سعودی عرب میں جدہ ایئرپورٹ اتھارٹی کا کہنا ہے کہ’ سال2023 میں کنگ عبدالعزیز انٹرنیشنل ایئرپورٹ پرمسافروں کی تعداد 42.7 ملین کی ریکارڈ سطح تک پہنع گئی جو گزشتہ برس کے مقابلے میں 36 فیصد زیادہ ہے‘۔

سبق نیوز کے مطابقجدہ کے کنگ عبدالعزیز انٹرنیشنل ایئرپورٹ پرٹریفک کنٹرول کے شعبے کا کہنا ہے’ سال 2023 میں مجموعی طورپر42.7 ملین مسافروں کو سفری سہولتیں فراہم کی  گئی ہیں جبکہ سال 2022 میں یہ تعداد 31.4 ملین تھی‘۔ 

 رپورٹ میں کہا گیا کہ ’سال 2023 میں جدہ ایئرپورٹ سے 2 لاکھ 50 ہزار پروزوں کی آمد و رفت ہوئی جبکہ سال 2022 میں یہ تعداد 2 لاکھ تھی‘۔ 

گزشتہ برس جدہ ایئرپورٹ کے ٹرمنل ون سے 179.9 پروازوں کی آمد ورفت ہوئی جبکہ سال 2022 میں یہ تعداد 154.6 ہزار تھی۔  

سال 2023 میں ٹرمنل ون سے مزید 11 عالمی روٹس کا اضافہ ہونے کے بعد عالمی سٹینشنز کی تعداد 126 ہو گئی جبکہ سال 2022 میں 114 سٹینشز تھے۔ 

اندرون ملک پروازوں میں سب سے زیادہ طلب جدہ ، ریاض سیکٹر کی رہی۔ مذکورہ شہروں میں ایک برس میں 7.8 ملین مسافروں نے سفر کیا۔ 

جدہ ایئرپورٹ پرسال 2023 کا سب سے مصروف ہفتہ 24 سے 30 دسمبر کے درمیان رہا جس میں 9 لاکھ 79 ہزار افراد کو سفری سہولتیں فراہم کی گئی جبکہ سال 2022 میں 26 نومبر سے 2 دسمبر کے درمیان مسافروں کی تعداد 8 لاکھ 15 ہزار تھی۔