ریاض میں عالمی باکسنگ مقابلہ 8 مارچ کو ہوگا

انٹرٹینمنٹ اتھارٹی کے سربراہ ترکی آل الشیخ نے کہا ہے کہ ریاض موسم کے تحت عالمی باکسنگ مقابلہ ہوگا۔

سبق ویب سائٹ کے مطابق باکسنگ کو ’Knockout Chaos‘ نام دیا گیا ہے جس میں ہیوی ویٹ انتھنی جوشوا اور فرانسیس انجانو کے درمیان مقابلہ ہوگا۔

ریاض سیزن کے تحت منعقد ہونے والا باکسنگ مقابلہ جمعہ 8 مارچ کو کنگڈم ارینا میں طے ہوا ہے۔

ترکی آل الشیخ نے کہا ہے کہ ’ریاض سیزن کا لوگو Big Time ہے جس کے تحت ہم دنیا بھر کے سیاح کی توجہ مبذول کرانا چاہتے ہیں‘۔

’ریاض سیزن کا افتتاح  بھی عالمی باکسنگ مقابلے سے ہوا جبکہ اس سال ریاض سیزن میں بہت کچھ منفرد ہوگا‘۔

واضح رہے کہ ریاض سیزن سعودی عرب کا سب سے بڑا تفریحی ایونٹ ہے جس میں دنیا بھر سے تفریحی ادارے اپنی خدمات پیش کرتے ہیں۔