ریاض سیزن کپ: الہلال اور انٹر میامی کا مقابلہ آج ہوگا

ریاض سیزن کپ کے تحت سعودی ٹیم الہلال اور سٹار فٹبالر میسی کی قیادت میں امریکی ٹیم انٹرمیامی کا مقابلہ آج ہوگا۔

سبق ویب سائٹ کے مطابق فٹبال مقابلہ رات 9 بجے ’کنگڈم ارینا‘ سٹیڈیم میں ہوگا۔

واضح رہے کہ  کنگڈم ارینا الہلال فٹبال کلب کا نیا سٹیڈیم ہے جس پر آج پہلا میچ ہونے جا رہا ہے۔

یہ سٹیڈیم ریکارڈ وقت میں تعمیر کیا گیا ہے اور اس میں 20 ہزار شائقین کی گنجائش ہے۔

آج کے مقابلے میں الہلال ٹیم کے کئی اہم کھلاڑی غیر حاضر ہوں گے جبکہ ٹیم کے کوچ کا کہنا ہے کہ وہ غیر حاضر کھلاڑیوں کے باوجود بہترین کارکردگی کا مظاہرہ کریں گے۔

یاد رہے کہ ریاض سیزن کپ میں تین ٹیمیں الہلال، النصر اور انٹر میامی کھیل رہے ہیں۔