پاکستان کے زیرِانتظام کشمیر کے ضلع کوٹلی میں آبادی کے قریب نکل آنے والے دو انڈین راک پائیتھنز کو محکمہ وائلڈ لائف کے عملے نے ریسکیو کر لیا ہے۔
محکمہ وائلڈ لائف کشمیر کے مطابق اتوار کو کوٹلی کے علاقے گلپور میں دو بڑے سانپ آبادی کے قریب دیکھ کر مقامی افراد نے وائلڈ لائف کے حکام کو مطلع کیا۔
وائلڈ لائف کا عملہ جو کے وائلڈ لائف ڈے کی تقریب کے لیے مہاشیر فش ہچری گلپور میں موجود تھا، وہ موقعے پر پہنچ گیا اور انہوں نے مقامی کمیونٹی کی مدد سے دونوں پائتھنز کو ریسکیو کر لیا۔
مزید پڑھیں
-
بنگلور ایئرپورٹ پر سامان کی تلاشی کے دوران 72 سانپ برآمدNode ID: 794071 -
پائتھنز کو ریسکیو کرنے کے بعد انہیں محفوظ قدرتی مسکن میں چھوڑ دیا گیا ہے۔
انڈین راک پائتھن سانپوں کی غیر زہریلی قسم شمار ہوتے ہیں اور عام حالات میں یہ انسانوں پر حملہ نہیں کرتے۔
وائلڈ لائف کے مطابق اژدھوں کی اس قسم کا شمار خطرے کے شکار انواع میں ہوتا ہے۔
اس حوالے سے پاکستان کے زیر انتظام کشمیر کے آئی جی پولیس تاجک سہیل حبیب نے بھی سماجی رابطوں کی ویب سائٹ ایکس (ٹوئٹر) پر ایک ویڈیو شیئر کی ہے۔
Today, wildlife staff rescued 2 Indian Pythons at Gulpur area of Kotli district, AJK. Indian pythons are threatened species with an average length of 13 ft; some reach to 20 ft. These pythons are mint venomous & have heat-sensing organs in lips can detect any object whose… pic.twitter.com/vm7CwaV04o
— Tajik Sohail Habib (@DrTajikSohail) March 3, 2024
