اردنی ولی عہد کی اہلیہ شہزادی رجوہ کی 30ویں سالگرہ

اردن کے ولی عہد شہزادہ حسین بن عبداللہ دوم نے اپنی سعودی نژاد اہلیہ شہزادی رجوہ الحسین کی 30 ویں سالگرہ پر شہزادی کی سرکاری تصویر کے ساتھ مبارکباد دی ہے۔

عرب نیوز کے مطابق شہزادہ حسین نے حالیہ تصویر شیئر کرتے ہوئے انسٹاگرام پر دعا لکھی ہے’اللہ تعالی ہمارے رشتے کو قائم و دائم رکھے اور پروان چڑھائے، سالگرہ مبارک رجوہ۔‘

اردن کے شاہی خاندان نے اس سالگرہ کے موقعے پر شہزادی رجوہ کی حالیہ سرکاری تصویر بھی شیئر کی ہے۔

شہزادی رجوہ نے اس تصویر کے نیلے رنگ کے پس منظر میں فرانسیسی برانڈ Rabanne کا نیلے رنگ کا لباس زیب تن کر رکھا ہے۔

واضح رہے کہ رواں ماہ کے آغاز میں یہ اعلان بھی کیا گیا تھا کہ اردن کا شاہی جوڑا جس کی شادی گزشتہ برس جون میں ہوئی تھی، اپنے پہلے بچے کی آمد کی توقع کر رہا ہے۔

شہزادی کے امید سے ہونے کی خبر کا اعلان اردن کے شاہی خاندان نے ایک بیان میں کیا تھا۔

بیان میں کہا گیا تھا کہ ’رائل ہاشمیٹ کورٹ کو یہ اعلان کرتے ہوئے خوشی ہو رہی ہے کہ ان کے عزت مآب ولی عہد شہزادہ الحسین بن عبداللہ دوم اور شہزادی رجوہ الحسین اس موسم گرما میں اپنے پہلے بچے کی توقع کر رہے ہیں۔‘