ٹریفک خلاف ورزیوں پر ایک ہزار سے زیادہ موٹر سائیکلیں ضبط

سعودی محکمہ ٹریفک نے متعدد خلاف ورزیوں پر ایک ہزار 61 موٹر سائیکلیں ضبط کی ہیں۔

سبق ویب سائٹ کے مطابق 26 مئی سے یکم جون تک مختلف شہروں سے موٹر سائیکلیں ضبط ہوئی ہیں۔

محکمہ ٹریفک نے کہا ہے کہ’ سب سے زیادہ موٹر سائیکلیں جدہ میں ضبط ہوئی ہیں جن کی تعداد 666 ہے‘۔

محکمہ ٹریفک نے کہا ہے کہ ’دوسرے نمبر پر ریاض اور مدینہ منورہ ہے جہاں ہر ایک میں 115 موٹر سائیکلیں ضبط ہوئی ہیں‘۔

’ مکہ مکرمہ میں 37، عسیر میں 25 اور نجران میں 18 موٹر سائیکلیں ضبط ہوئی ہیں‘۔

محکمہ ٹریفک نے کہا ہے کہ ’ٹریفک قوانین کی خلاف ورزی پر موٹر سائیکل ضبط ہوگی اور یہ کسی بھی حال میں ناقابل واپسی ہے‘۔

محکمے نے موٹر سائیکل چلانے والوں کو سختی کے ساتھ ہدایت کی ہے کہ وہ ٹریفک قوانین کی پابندی کریں۔

محکمے نے کہا ہے کہ ’جس طرح گاڑیوں پر ٹریفک قوانین لاگو ہوتے ہیں اسی طرح موٹر سائیکلوں پر بھی لاگو ہیں‘۔