حائل میں فیول ٹینکر اور الخبر میں کار میں آگ، ایک شخص زخمی

حائل اور الخبر میں شہری دفاع کی ٹیموں نے جمعرات کو کہا ہے کہ  یہاں فیول ٹینکر اور کار میں لگی آگ کو بجھا دیا گیا۔

جنرل ڈائریکٹوریٹ آف سول ڈیفنس نے اپنے ایکس (ٹوئٹر) اکاؤنٹ پر بتایا کہ حائل کے شہری دفاع کے سینٹر کو فیول ٹینکر میں آگ لگنے کی اطلاع ملتے ہی فوری جائے واقعہ پر ٹیمیں روانہ کردی گئیں۔

شہری دفاع کی ٹیم کا کہنا ہے کہ موقع پر پہنچ کر آگ پر قابو پانے کی فوری کارروائی شروع کردی اور آگ کا دائرہ محدود کرتے ہوئے اسے بجھانے میں کامیابی حاصل کرلی۔

شہری دفاع کا کہنا ہے کہ فیول ٹینکر میں آگ لگنے سے ایک شخص زخمی ہوا ہے۔ ٹیم آگ لگنے کے اسباب کا بھی پتہ لگا رہی ہے۔

دوسری جانب الخبر میں شہری دفاع کا کہنا ہے کہ الخبر کے الثقبہ میں چند گھنٹے قبل ایک گاڑی میں لگنے والی آگ پر بھی قابو پالیا گیا ہے۔ اس سے کوئی جانی نقصان نہیں ہوا۔

واٹس ایپ پر سعودی عرب کی خبروں کے لیے ”اردو نیوز“ گروپ جوائن کریں