عمرہ پرمٹ حاصل کرنا ضروری ہے، وزارت حج و عمرہ

سعودی وزارت حج و عمرہ نے کہا ہے کہ عمرے کے لیے اجازت نامہ حاصل کرنا ضروری ہے۔ اس کے ساتھ وقت کی پابندی بھی کرنی چاہیے۔

عاجل ویب سائٹ کے مطابق وزارت حج و عمرہ  نے اپنے ایکس (ٹوئٹر) اکاؤنٹ پر کہا ہے کہ عمرہ اجازت نامہ ’نسک’ یا ’توکلنا‘ کے ذریعے حاصل کیا جاسکتا ہے جس میں دن، تاریخ اور وقت بھی موجود ہوتا ہے۔

عمرہ پرمٹ حاصل کرنے کے بعد ایک ایس ایم ایس بھی اجازت نامہ حاصل کرنے والے کو موصول ہوتا ہے۔

وزارت حج و عمرہ نے کہا کہ پرمٹ حاصل کرنے کے بعد اس کے مطابق وقت کی پابندی ضروری ہے تاکہ دوسروں کے لیے پریشانی نہ ہو اور عمرے کے لیے گھر سے نکلنے سے قبل یہ ضرور چیک کرلیں کہ آپ کے پرمٹ کا وقت، دن اور تاریخ درست ہے یا نہیں۔

وزارت نےبتایا کہ اگر پرمٹ حاصل کرنے والا وقت پر حاضری نہ دے سکتا ہو تو اسے چاہیے کہ وہ اجازت نامہ قبل از وقت منسوخ کردے تاکہ دوسرا پرمٹ حاصل کرنے میں اسے آسانی ہو۔

واٹس ایپ پر سعودی عرب کی خبروں کے لیے ”اردو نیوز“ گروپ جوائن کریں