فالکن نیلامی: ایک لاکھ 96 ہزار ریال میں دو باز فروخت
’40 ہزار ریال سے بولی کا آغاز ہوا اور ایک لاکھ 21 ہزار ریال پر بولی بند ہوئی‘ ( فوٹو: سبق)
فالکن کلب کے تحت ریاض میں منعقد نیلامی میں منگل اور بدھ کی درمیانی شب دو باز ایک لاکھ 96 ہزار ریال میں فروخت ہوئے ہیں۔
سبق ویب سائٹ کے مطابق پہلے باز پر 40 ہزار ریال سے بولی کا آغاز ہوا اور بڑھتے بڑھتے ایک لاکھ 21 ہزار ریال پر بولی بند ہوئی جبکہ دوسراباز 75 ہزار ریال میں فروخت ہواہے۔
خیال رہے کہ فالکن کلب کے تحت بازوں کی نمائش اور نیلامی جاری رہتی ہے جس میں مقامی اور غیر ملکی شرکت کرتے ہیں۔
فالکن کی نیلامی میں مقامی افراد کے علاوہ بیرون ملک سے تعلق رکھنے والے فارم بھی شریک ہوتے ہیں۔
فالکن فروخت کرنے کے خواہشمندوں کو کلب کی طرف سے تمام سہولتیں فراہم کی جاتی ہیں جبکہ خریدنے والے کو باز کی ملکیت کا سرٹیفیکیٹ بھی فراہم کیا جاتا ہے۔
فالکن کی نیلامی کلب کے سوشل اکاؤنٹ پر براہ راست دیکھی جاسکتی ہے۔
بلدیہ جدہ کی ساحل پر تجاوزات کے خاتمے کی مہم جاریNode ID: 881293
کہیں بارش، کہیں تیز ہوا اور کہیں غبار کا الرٹ جاریNode ID: 881323
