امدادی مرکز 911 کو 24 گھنٹے میں 88 ہزار سے زائد کالز

مملکت میں نیشنل سینٹر فار سیکیورٹی آپریشنز کو ایک دن میں 88 ہزار 648 کالز موصول ہوئیں۔

سبق ویب سائٹ کے مطابق نیشنل سینٹر فار سیکیورٹی آپریشنز کو منگل 12 نومبر 2024 کو مملکت کے 3 شہروں مکہ مکرمہ، ریاض اور الشرقیہ ریجنوں سے 88648 کالز موصول ہوئیں جو فی منٹ کے حساب سے 62 کالز بنتا ہے۔

آپریشن سینٹر نے ایکس پلیٹ فارم پر کہا ہے کہ ریاض ریجن سے 41981 کالز موصول ہوئیں جبکہ مکہ مکرمہ  سے 28632 اور مشرقی ریجن میں 18035 کالز موصول ہوئیں۔

مکہ مکرمہ، ریاض اور مشرقی ریجن کے لیے  نیشنل سینٹر فار سیکیورٹی آپریشنز کا نمبر (911) ہے جبکہ مملکت کے دیگر شہروں کے لیے مخصوص نمبر 999 ہے جس پر قانون نافذ کرنے والے اداروں سے مدد طلب کی جاسکتی ہے۔

واٹس ایپ پر سعودی عرب کی خبروں کے لیے ”اردو نیوز“ گروپ جوائن کریں