103 ٹن قات، 9 سو کلو چرس اور تین لاکھ نشہ آور گولیاں ضبط

سیکیورٹی فوس نے کہا ہے کہ  103 ٹن نشہ آور پودہ قات، 939 کلو چرس اور 3 لاکھ 73 ہزار نشہ آور گولیوں کی سمگلنگ کی کوشش ناکام بنا دی ہے۔

سبق ویب سائٹ کے مطابق سیکیورٹی فورس نے کہا ہے کہ ’تبوک، جازان، عسیر اور نجران میں 750 سمگلر اور منشیات فروش پکڑے گئے ہیں‘۔

سیکیورٹی فورس نے کہا ہے کہ ’گرفتار شدگان میں 456 ایتھوپین درانداز، 269 یمنی درانداز،دو صومالیا اور دو سری لنکن غیر ملکیوں کے علاوہ 23 سعودی شہری شامل ہیں‘۔

سیکیورٹی فورس نے کہا ہے کہ ’مذکورہ منشیات اور سمگلروں کو متعدد کارروائیوں کے دوران گرفتار کیا گیا ہے‘۔

سیکیورٹی فورس نے سرحدی علاقوں کے رہائشیوں کو ہدایت کی ہے کہ سرحدی علاقے میں جہاں کہیں بھی کوئی مشکوک سرگرمی دیکھی جائے تو فوری طور پر مطلع کردیا جائے۔