سعودی ویمنز ٹیم سے دوستانہ میچ، پاکستان کے سکواڈ کا اعلان

پاکستان فُٹبال فیڈریشن (پی ایف ایف) نے سعودی عرب کے ساتھ فیفا فرینڈلی میچ کے لیے پاکستان فٹبال ویمنزٹیم کے سکواڈ کا اعلان کر دیا ہے۔

پاکستان ویمنز اور سعودی عرب ویمنز کے درمیان سات دسمبر کو دوحہ، قطر میں دوستانہ میچ کھیلا جائے گا۔

اس میچ کے سلسلے میں پی ایف ایف کی جانب سے 21 رکنی سکواڈ کا اعلان کر دیا گیا ہے جو پاکستان ٹیم کے ہیڈ کوچ عدیل رضوی کی سربراہی میں روانہ ہوگا۔

پاکستان ٹیم کی قیادت مائرہ خان کریں گی۔

پی ایف ایف کے مطابق پاکستان ٹیم کی گول کیپر نشاء اشرف، آرزو اور جہان فاروقی ہوں گی۔

اس کے علاوہ ڈینفںڈرز میں مائرہ خان (کپتان)، سارہ خان، مشال بھٹی، صوفیہ قریشی، مہرین گُل، فاطمہ نثار اور نزالیہ صدیقی شامل ہیں۔

مین فیلڈرز میں سہا ہیرانی، رامین فرید، آمنہ حنیف، ثناء مہدی اور عالیہ صدیق سہرفہرست ہیں۔

اسی طرح سے فاروڈز میں زمینہ ملک، اسرا خان، نادیہ خان، انمول ہرا اور ایمان مصطفی ہیں۔

پاکستانی ٹیم کا 21 رکنی سکواڈ چار دسمبر کو کراچی سے قطر روانہ ہو گا۔

اس سے قبل پی ایف ایف کی جانب سے کہا گیا تھا کہ سعودی عرب فٹبال فیڈریشن(ایس اے ایف ایف) کی جانب سے پاکستان ویمنز کو ان کی سینئر ویمن ٹیم کے ساتھ ایک دوستانہ میچ کے لیے مدعو کیا گیا ہے۔