Sorry, you need to enable JavaScript to visit this website.

سعودی وزیر دفاع شہزادہ خالد بن سلمان سے سنگاپور کے سینیئر وزیر کی ملاقات

سعودی نائب وزیر داخلہ نے سنگا پور کے وزیر اعظم کا خیرمقدم کیا۔ (فوٹو: ایس پی اے)
سعودی وزیر دفاع شہزادہ خالد بن سلمان سے پیر کو ریاض میں سنگاپور کے سینیئر وزیر ٹیوچی ہیان نے ملاقات کی جس میں دوطرفہ تعلقات کا جائزہ لیا گیا۔
ایس پی اے کے مطابق ملاقات میں علاقائی اور بین الاقوامی صورتحال اور اس حوالے سے کی جانے والی کوششوں پر تبادلہ خیال کیا گیا۔
شہزادہ خالد بن سلمان نے ایکس اکاونٹ پر لکھا’ سنگا پور کے سینیئر وزیر اور قومی سلامتی کے رابطہ وزیر ٹیوچی ہیان سے ملاقات کے دوران دوطرفہ تعلقات کا جائزہ، علاقائی اور بین الاقوامی صورتحال پر تبادلہ خیال کیا۔‘
اس موقع پر نائب وزیر دفاع شہزادہ عبدالرحمن بن محمد بن عیاف، چیف آف سٹاف لیفٹیننٹ جنرل فیاض الرویلی اور مملکت میں سنگا پور کے سفیر ایس پریم جیت و دیگر عہدیدار موجود تھے۔
قبل ازیں سعودی نیشنل گارڈ کے وزیر شہزادہ عبداللہ بن بندر بن عبدالعزیز اور سعودی نائب وزیر داخلہ ڈاکٹر ناصر بن عبدالعزیز الداود نے سنگا پور کے سینیئر وزیر کا خیرمقدم کیا۔
ملاقات میں مشترکہ دلچسپی کے متعدد امور پر تبادلہ خیال کیا گیا۔
علاوہ ازیں سنگا پور کے سینیئر وزیر نے وزیر مملکت برائےخارجہ امور اور موسمیاتی امور کے ایلچی عادل الجبیر سے ملاقت کی۔

شیئر: