پرتگال کی 250 کمپنیاں سعودی مارکیٹ میں آنے کے لیے تیار

پرتگال کی 250 کمپنیاں سعودی عرب میں سرمایہ کاری کرنے کے لیے تیاری کر رہی ہیں۔

سبق ویب سائٹ کے مطابق سعودی ، پرتگال بزنس کونسل نے کمپنیوں کے نمائندگان اور ذمہ داران کے لیے خصوصی ورکشاپس کا اہتمام کیا ہے۔

کونسل نے کہا ہے کہ ’عالمی کمپنیوں کے علاقائی دفاتر سعودی عرب میں کھولنے کے اقدام کے تحت پرتگال  میں کمپنیوں کو سعودی مارکیٹ میں موجود مواقع سے آگاہ کیا گیا ہے‘۔

’ورکشاپس میں غیر ملکی کمپنیوں کو حکومت کی طرف سے فراہم کردہ سہولتوں کے بارے میں آگاہ کیا گیا ہے‘۔

’علاوہ ازیں سرمایہ کاروں کے اقامے کے فوائد اور خصوصیات کے علاوہ غیر ملکی سرمایہ کاروں کو حکومتی تحفظ سے بھی آگاہ کیا گیا ہے‘۔