عسیر، باحہ اور جازان میں مطلع ابر آلود، بارش کا امکان

محکمہ موسمیات نے کہا ہے کہ آج جمعرات کو عسیر، جازان اور الباحہ میں مطلع ابر آلود رہے گا جبکہ ہلکی بارش کی بھی توقع ہے۔

سبق ویب سائٹ کے مطابق محکمے نے کہا ہے کہ ’مکہ مکرمہ کے بالائی علاقوں میں بھی ہلکی بارش کا امکان ہے‘۔

محکمے نے بتایا ہے کہ ’عسیر، جازان، الباحہ اور مکہ مکرمہ کے بالائی علاقوں کے علاوہ مشرقی ریجن میں صبح کے وقت دھند چھائی رہے گی‘۔

دوسری طرف ماہر موسمیات عبد العزیز الحصینی نے کہا ہے کہ ’بیشتر شہروں میں ویک اینڈ رات کے وقت سرد رہے گا جبکہ دن میں اعتدال پر مائل ہوگا‘۔

انہوں نے کہا ہے کہ ’مغربی ساحلی علاقوں میں رات کے وقت موسم سردی مائل ہوگا جبکہ دن کے وقت معتدل رہے گا‘۔

دریں اثنا محکمہ موسمیات نے بتایا ہے کہ آج جمعرات مکہ مکرمہ اور جدہ ملک کے گرم ترین شہر ہوں گے جہاں درجہ حرارت 34 اور 33 سینٹی گریڈ رہے گا‘۔

’سرد علاقوں میں ابہا، باحہ اور عرعر ہے جہاں دن کے وقت 19 ڈگری ہے‘۔