اقامہ اور ملازمت قوانین کی خلاف ورزی، غیرملکیوں اور شہریوں کو سزائیں
انتظامی کمیٹیوں کے ذریعے ایک ماہ میں 18 ہزار 838 فیصلے جاری ہوئے (فوٹو: اخبار24)
سعودی محکمہ پاسپورٹ نے انتظامی کمیٹیوں کے ذریعے جنوری 2025 میں ایک ماہ کے دوران اقامہ، ملازمت اور سرحدی امن قوانین کی خلاف ورزی پر 18 ہزار 838 فیصلے جاری کیے ہیں۔
ایس پی اے کے مطابق محکمہ پاسپورٹ نے بیان میں کہا کہ ’سعودی شہریوں اور مقیم غیرملکیوں کے خلاف مقررہ کارروائی کی گئی۔ خلاف ورزیوں پر قید، جرمانے اور بے دخلی کی سزائیں دی گئی ہیں‘۔
محکمہ پاسپورٹ نے مقامی شہریوں اورمقیم غیرملکیوں سے پھر کہا کہ ’وہ اقامہ، ملازمت اور سرحدی امن قوانین کی خلاف ورزی کرنے والے کو ٹرانسپورٹ، روزگار، رہائش، پناہ، کسی بھی قسم کے تعاون یا پردہ پوشی سے گریز کریں‘۔
اقامہ قوانین کی خلاف ورزی کرنے والوں کو روزگار اور ٹرانسپورٹ کی سہولت فراہم کرنا قانون شکنی ہے جبکہ ایسے افراد جو غیرقانونی طورپر سرحد عبور کرکے مملکت میں داخل ہوتے ہیں ان کے ساتھ کسی بھی قسم کا تعاون کرنا سنگین خلاف ورزی میں شمار کیا جاتا ہے۔
