سعودی سکولوں میں دوسرے سمسٹر کا اختتام، 9 روزہ تعطیلات کا اعلان
جمعرات 20 فروری 2025 0:12
اب سکول 2 مارچ 2025 سے کھلیں گے۔ (فوٹو عکاظ)
سعودی وزارت تعلیم نےجمعرات کو موجودہ تعلیمی سال 1446ھ (2025) کے دوسرے سمسٹر کی کلاسز کے اختتام پر یوم تاسیس اور موسم سرما کی 9 روزہ چھٹیوں کا اعلان کیا ہے۔
عکاظ کے مطابق وزارت نےای ایجوکیشن سسٹم ’نور‘ میں تمام مضامین کا ریکارڈ اس کی اصلاح، نگرانی اور جائزہ مکمل کرنے اور طلبہ کے نتائج کا اعلان کرنے کی ضرورت پر زور دیا ہے۔
وزارت نے وضاحت کی کہ سیکنڈری سکول کے امتحانات کے دوسرے دور کے لیے شیڈول تیار کرنا، اسے نور سسٹم میں شامل کرنا ، پرائمری اور انٹرمیڈیٹ مرحلے میں غیر حاضر طلبہ کے لیے متبادل امتحانات کا شیڈول تیار کرنا ضروری ہے۔
واضح رہے سعودی اور انٹرنیشنل سکولوں میں جمعہ 21 فروری سے یکم مارچ 2025 تک تعطیلات ہوں گی۔ اب سکول 2 مارچ 2025 کے دوبارہ کھلیں گے۔
اس سے قبل وزارت نے ایک اعلامیہ جاری کرکے رمضان میں سکول ٹائمنگ کا بھی اعلان کیا تھا جس کے مطابق صبح کی شفٹ کا آغاز 9 بجے ہوگا جبکہ دوپہر کی شفٹ ایک بجے اور تیسری شفٹ رات ساڑھے نو بجے سے شروع ہوگی۔
رمضان المبارک میں سکولز کے اوقات کیا ہوں گے؟Node ID: 885864
