احکامات کی خلاف ورزی، مکہ اور مدینہ میں 79 ہوٹلوں اور رہائشی مراکز پر جرمانے

سعودی وزارت سیاحت نے مکہ اور مدینہ میں 79 ہوٹلوں اور رہائشی مراکز کو سیل کیے جانے کے احکامات کی خلاف ورزی پر جرمانے کیے ہیں۔

اخبار 24 کے مطابق رمضان کے پہلے دو ہفتوں کے دوران مکہ میں 58 اور مدینہ میں 21 ہاسپلیٹی مراکز میں خلاف ورزیوں پر مجموعی طور پر پانچ لاکھ ریال جرمانہ عائد کیا گیا۔

وزارت سیاحت نے انتباہ کیا کہ سیاحت کے قانون اور ضوابط کی خلاف ورزی خصوصا پرمٹ کے بغیر کام کرنے پر 10 لاکھ جرمانہ، ہوٹل کی بندش یا دونوں سزاؤوں کا اطلاق کیا جاسکتا ہے۔

وزارت نے رہائشی سہولتوں کی فراہمی کے لیے مطلوبہ لائسنس کے حصول پر زور دیا۔

یاد رہے وزارت سیاحت کی جانب سے رمضان کے دوران ہوٹل، فرنشڈ اپارٹمنٹس اور دیگر رہائشی سہولتوں کے تفتیشی دوروں میں اضافہ کیا گیا ہے۔

 سیاحت کے قواعد وضوابط پر عملدرآمد کو یقینی بنانے کے ساتھ زائرین کے لیے خدمات کے اعلی معیار کو برقرار رکھا جا رہا ہے۔

تفتیشی دوروں میں اضافے کا مقصد مہمان نوازی کے رہنما اصولوں کی پابندی کی تصدیق، مکہ مکرمہ اور مدینہ منوریہ میں فراہم کی جانے والی خدمات کے معیار کو بڑھانا ہے۔

وزارت کی ٹیموں نے 2025 کے آغاز کے بعد سے مکہ مکرمہ میں ہوٹلوں اور رہائشی سہولتوں کے 6 ہزار سے زیادہ تفتیشی دورے کیے، اور 4 ہزار سے زیادہ خلاف ورزیاں ریکارڈ کیں۔