لندن۔۔۔۔۔بڑے بوڑھے پہلے ہی کہہ چکے ہیں کہ ہر وقت اے سی میں رہناصحت کیلئے مضر ہے۔ اب سائنسدانوں نے بھی اس کی تصدیق کردی ہے۔ ان کا کہنا ہے کہ رات میں اگر آپ اے سی چلاکر سوتے ہیں تویہ بنیادی طور پر صحت کیلئے نقصان دہ ہے۔ پہلا تو یہ کمرمیں تازہ ہوا کی آمد ختم ہوجاتی ہے کیونکہ جب اے سی چل رہا ہوتا ہے تو ہمارے کمرے کے درواز ے اور کھڑکیاں بند ہوتی ہیں۔ دوسرے یہ کہ جب ہم سورہے ہوتے ہیں تو اے سی زیادہ ٹھنڈا ہوجاتا ہے لیکن ہم اٹھ کر اسے بند کرنے کی پوزیشن میں نہیں رہتے۔تیسری بات یہ کہ اے سی ہوا میں موجود ساری رطوبت جذب کرلیتا ہے اور یوں ہمارے جسم کی رطوبت بھی جذب ہوجاتی ہے۔اب یہ بات آپ کو معلوم ہی ہے کہ جب تازہ ہوا نہیں ملے گی تو اس کے نتیجے میں آپ خود کو تھکے ہوئے محسوس اور اپنے پٹھے اکڑے ہوئے محسوس کرینگے۔اگر اے سی کے سامنے کا حصہ جہاں گرد جمع ہوجاتی ہے اسے وقتاً فوقتاً صاف نہ کیا جائے تو آپ کو سانس لینے میں بھی تکلیف ہوسکتی ہے۔ایسی صورت میں سمجھ جائیے کہ آپ کا اے سی بیکٹیریا جیسے جراثیم کا گڑھ بن چکا ہے۔ اے سی کے نتیجے میں آپ کوسردرد ،کمر میں تکلیف ہوتی ہے اور پٹھے چڑھ جاتے ہیں ، جوڑوں اور پٹھوں میں درد اور تکلیف شروع ہوجاتی ہے جو مستقل جوڑوں کے درد میں تبدیل ہوجاتی ہے۔ ایئرکنڈیشنر کی وجہ سے آنکھوں میں رطوبت بھی جذ ہوتی ہے اس وجہ آنکھیں سرخ ہوجاتی ہیں اور آپ کو دھندلا نظرآتا ہے۔ سب سے زیادہ نقصان’’سرد گرم‘‘سے ہوتا ہے ۔ آپ اچانک ٹھنڈے کمرے سے نکل کر باہر آتے ہیں اور باہر گرمی ہوتی ہے یوں بیماری کا خدشہ ہوتا۔
