کمپنی میں آگ اور دھوئیں کے بادل خوف و ہراس

تھانے ۔۔۔۔ڈومبولی کے ایم آئی ڈی سی علاقے میں واقع ہار برٹ براؤن کمپنی سے تیز دھواں نکلنے سے کمپنی کے قرب و جوار کے لوگوں میں خوف وہراس پھیل گیا۔ یاد رہے کہ ایک سال قبل اسی علاقے میں واقع پروبریج کمپنی میں بھیانک دھماکہ ہوا تھا جس میں 9افراد ہلاک ہوگئے تھے۔ کمپنی سے آگ اور کثیف دھوئیں کے بادل اٹھتے دیکھ کر لوگ خوفزدہ ہوگئے۔ ملازمین جان بچانے کی غرض سے فوری طور پر باہر نکل گئے ۔ فائر بریگیڈ کاعملہ اطلاع ملنے پور موقع پر پہنچ گیا اور آگ پر قابو پالیا۔ ذرائع نے بتایا کہ پانی اور کیمیکل کی وجہ سے حادثہ رونما ہوا ۔ کلیان کے پرانت آفیسر اور تحصیلدار نے جائے وقوعہ کا معائنہ کیا اور متعلقہ افسران کو تحقیقات کی ہدایت دی۔