حال ہی میں اپنی زندگی پر لکھی جانےوالی کتاب کے باعث آئے روز خبروں میں رہنے والے بالی وڈ اداکارنوازالدین صدیقی نے اپنی کتاب واپس لینے کا فیصلہ کیا ہے۔ہندوستانی خبروں کے مطابق نوازالدین صدیقی نے کتاب سے متعلق تنقید کا نشانہ بننے کے بعد آخر اپنی کتاب کو واپس لینے کا اعلان کرہی دیا ۔ نوازالدین صدیقی نے ' این آرڈنری لائف' کے عنوان سے اپنی ذاتی زندگی پر کتاب لکھی تھی جو گزشتہ ماہ شائع کی جاچکی ہے۔ اداکار نے اپنی کتاب کو واپس لینے سے متعلق کہاکہ میری وجہ سے جن لوگوں کو دکھ پہنچا، میں ان سے معافی مانگتا ہوں اور اپنی کتاب واپس لیتاہوں۔ اس کتاب میں انہوں نے اپنے بالی وڈکریئرکے دوران پیش آنےوالے کئی واقعات اور حالات کا ذکر کیا تھا جبکہ فنی کریئر کے دوران استوار ہونے والے روابط کا بھی ذکر کیا جس میں بالی وڈ فلم انڈسٹری سے منسلک اداکاراﺅں کے نام شامل ہیں۔ نواز الدین نے تمام باتوں کا ذکر اپنی کتاب میں کیا تھا۔ ان اداکاراﺅں نے اپنا نام استعمال کرنے پر نواز الدین کو کڑی تنقید کا نشانہ بنایا جس میں میں نہاریکا سنگھ اور سنیتا راجور شامل ہیں۔
