سلمان کا ”بگ باس“ کی میزبانی جاری رکھنے سے انکار
جمعرات 21 دسمبر 2017 3:00
بالی وڈ کے سلطان سلمان خان نے ہندوستان کے متنازعہ ریالٹی شو ”بگ باس“ کے حوالے سے بڑا فیصلہ کیا ہے۔ انہوں نے اس شو کی میزبانی جاری رکھنے سے انکار کردیا ہے۔ میڈیا رپورٹس کے مطابق سلمان خان اپنی نئی آنے والی فلم ”ٹائیگر زندہ ہے“ کی تشہیری مہم ختم ہونے کے بعد اب فلم کے ریلیز ہونے کا بے صبری سے انتظار کررہے ہیں۔رپورٹس کے مطابق ”بگ باس“ کی انتظامیہ 11ویں سیزن میں سیلبرٹیز کی وائلڈ کارڈ انٹریاں کرواکر شو کو فروری تک بڑھانا چاہتی تھی مگر سلمان خان نے شو کی مزید میزبانی سے انکار کردیا ۔اس کی وجہ ان کے دوسرے ٹی وی چینل کے ساتھ معاہدے کو قرار دیا جارہا ہے جس کے تحت وہ اپنے پرانے گیم شو ”دس کا دم“ سیزن تھری کی میزبانی کرتے ہوئے دکھائی دیں گے۔
