قندوز میں فورسز کی کارروائی، 10 طالبان ہلاک

کابل۔۔۔ افغانستان کے صوبہ قندوز میں سکیورٹی فورسز کی کارروائیوں کے باعث 10 طالبان جنگجو ہلاک ہو گئے۔ افغان حکام کے مطابق صوبہ قندوز کے ضلع خان آباد میں طالبان جنگجوئوں کے خلاف سکیورٹی فورسز کی کارروائیوں کے نتیجے میں 10 طالبان جنگجو ہلاک ہو گئے تاہم ان کارروائیوں میں ضلع خان آباد میں واقع متعدد دیہات میں قائم طالبان جنگجوئوں کے خفیہ ٹھکانوں کو بھی نشانہ بنایا گیا جبکہ ایک شخص نے نام ظاہر نہ کرنے کی شرط پر بتایا کہ ان کارروائیوں میں 5سکیورٹی اہلکار ہلاک اور دو شہری بھی زخمی ہوئے ہیں۔