محمد صلاح پریمیئر لیگ میں تیز ترین20گول کرنے والے فٹبالر

لیورپول:انگلش کلب لیور پول میں کھیلنے والے مصری فٹبالر محمد صلاح پریمیئر لیگ میں تیز ترین20گول مکمل کرنے والے کھلاڑی بھی بن گئے۔محمد صلاح نے فرنینڈو ٹوریس اور ڈینیئل اسٹرج جیسے فٹبالرز کا ریکارڈ توڑا۔صلاح نے اپنی شاندار کارکردگی سے لوئس سواریز ، ماویکل اوون اور روبی فلاور کو بھی پیچھے چھوڑ دیا ہے۔محمد صلاح نے ٹوٹنہم کے خلاف میچ میں 2شاندار گول کرکے ٹیم کو فتح کی دہلیز پر پہنچا دیا تھا لیکن ہیری کین کے گول نے مقابلہ برابری پر ختم کردیا تھا۔25سال محمد صلاح نے لیور پول کی جانب سے25میچوں میں 21گول کرکے تیز ترین20 گول مکمل کرنے والے کھلاڑی کا اعزاز اپنے نام کیا جبکہ وہ ٹوٹنہم کے ہیری کین سے صرف ایک گول پیچھے ہیں اور گولڈن بوٹ کے حقدار بھی قرار پا سکتے ہیں۔اس سے پہلے یہ اعزاز ڈینیئل اسٹرج کے پاس تھا جنہوں نے2014میں27میچ کھیل کر 2oگول کئے تھے تاہم محمد صلاح نے2میچ پہلے یہ سنگ میل عبور کر لیا۔