کویتی وزارت داخلہ کی ویب سائٹ ہیک ہوگئی
کویت: کویتی وزارت داخلہ کی ویب سائٹ ہیک ہوگئی تھی تاہم وزارت کے آئی ٹی ماہرین ویب سائٹ کو ہیکر کے قبضے سے آزاد کرانے میں کامیاب ہوگئے۔ہیکر نے وزارت داخلہ کی ویب سائٹ کے ہوم پیج پر تصویر پوسٹ کردی جس پر ”ابوطریخم “ لکھا تھا۔
سیکیورٹی ماہرین ابوطریخم نامی ہیکر کے تعاقب میں ہیں جسے آئندہ چند دنوں میں گرفتار کرلیا جائے گا۔دریں اثناءکویتی وزارت داخلہ نے اعلامیہ میں کہا ہے کہ اس کی ویب سائٹ کو ہیک کرنے کی کوشش کی گئی تھی جسے ناکام بنادیا گیا۔ ماہرین کی ٹیم نے احتیاطی طور پر ویب سائٹ کچھ وقت کے لئے معطل کردیا۔بعد ازاں سیکیورٹی کے تمام تقاضے پورے کرنے کے بعد ویب سائٹ کو بحال کردیا گیا۔
کویت کی مزید خبریں پڑھنے کے لئے یہاں کلک کریں
