اچھی فوٹو شائع کرنا ،آکاش امبانی کی فوٹو گرافرز کو وارننگ
نئی دہلی۔۔۔۔ایشیا کے سب سے امیر بزنس مین مکیش امبانی کے26سالہ بیٹے آکاش امبانی کی منگنی رسیل مہتہ کی بیٹی شلوکا مہتہ سے گوا کے فائیو اسٹار ہوٹل میں منعقد ہوئی۔گزشتہ شب ممبئی میں واقع امبانی ہاؤس انٹیلیامیں آکاش اور شلوکا کے اعزازمیں پروقار تقریب کا انعقاد کیاگیاجس میں بالی ووڈ اسٹارز کی بڑی تعداد نے شرکت کی۔سوشل میڈیا پر وائرل وڈیو میں آکاش امبانی اپنی منگیترشلوکا کے ساتھ گھر سے باہر کھڑے دکھائی دے رہے ہیں۔ آکاش نے بلو کلر کا سوٹ پہن رکھا ہے جبکہ شلوکا میٹلک گاؤن میں انتہائی خوبصورت نظر آرہی ہیں۔ کپل نے میڈیا کیلئے پوز دیئے لیکن جاتے جاتے انہوں نے کچھ یوں کہا جسے سن کر آپ کو تعجب ہوگا۔ ملک کے سب سے امیر ترین اور طاقتور نوجوانوں میں شامل آکاش نے میڈیا سے الوداع کہنے سے پہلے انہیں از راہ مزاح کہا کہ آپ لوگ اچھا فوٹو شائع کرنا۔ذرائع کے مطابق آکاش اور شلوکا کی شادی اس سال کے آخر تک ہوسکتی ہے۔واضح ہوکہ شلوکا ہیرے جواہرات کے تاجر رسیل مہتہ کی سب سے چھوٹی بیٹی ہیں جبکہ آکاش ہندوستان کے سب سے مالدار ترین کاروباری اور ریلائنس انڈسٹریز کے مالک مکیش امبانی کے سب سے بڑے صاحبزادے ہیں۔
