جلد کی خوبصورتی اور شادابی کو برقرار رکھنے کےلیے جلد کو موسچرائز کرنا بہت ضروری ہے . لیکن کیا آپ کو معلوم ہے کہ موسچرائزنگ کریم استعمال کرنے کا صحیح طریقہ کیا ہے ؟ ذیل میں دی گئی تجاویز کو پیش نظر رکھ کر آپ اپنی جلد کو بہتر طریقے سے موسچرائز کر سکتی ہیں .
ایسی موسچرائزنگ پراڈکٹ کا انتخاب کریں جو آپ کی جلد سے مطابقت رکھتی ہو . جسکو لگانے کے بعدآپ کی جلد میں نرمی محسوس ہو .
نہانے کے فوراً بعد موسچرائزنگ کریم کا استعمال کریں . کیونکہ آپ کی جلد ٹوٹ پھوٹ کا شکار ہو کر ایک دم خشک ہو جاتی ہے . فوری موسچرائزنگ جلد کے خلیات کی سطح میں پانی محفوظ کرتے ہوئے اسے نرمی بخشتا ہے .
اپنے جسم کے ہر اس حصے کو موسچرائز کریں جہاں آپ کو ضرورت محسوس ہو . نہانے کے بعد ، ورزش سے پہلے اور ہر بار ہاتھ منہ دھونے کے بعد موسچرائزنگ کریم ضرور لگائیں . موسچرائز کرتے وقت ہاتھوں اور پاؤں کو نظر انداز نہ کریں . یہ صابن اور دوسرے کیمیائی عناصر سے زیادہ متاثر ہوتے ہیں .
اگر چہرے کو خشک محسوس کریں تو زیادہ مقدارمیں کریم استعمال کرنے کی بجائے آئل بیسڈ موسچرائزنگ کریم کا استعمال کریں جو ہائیڈریٹنگ خصوصیات کی حامل ہوں . خشک ہواؤں سے متاثرہ حصوں پر خاص طور پر کریم استعمال کریں .
