حرمین شریفین میں نئے ائمہ اور خطباء کا تقرر کیا گیا ہے۔ خادم حرمین شریفین شاہ سلمان بن عبد العزیز نے نئی تقرریوں کی منظوری دی ہے۔
عاجل ویب سائٹ کے مطابق شیخ ڈاکٹر یاسر بن راشد الدوسری کو مسجد الحرام میں امام تعینات کیا گیا ہے۔ اسی طرح مسجد نبوی شریف کے لئے شیخ ڈاکٹر خالد بن سلیمان المہنا اور شیخ ڈاکٹر احمد بن علی الحذیفی کو امام تعینات کیا گیا ہے۔
شاہی منظوری کے بعد مسجد الحرام میں شیخ ڈاکٹر بندر بن عبد العزیز بلیلہ اور شیخ ڈاکٹر عبد اللہ بن عواد الجہنی امامت کے ساتھ خطیب بھی ہوں گے۔
اسی طرح شیخ ڈاکٹر احمد بن طالب حمید مسجد نبوی میں امامت کے ساتھ خطیب بھی مقرر کئے گئے ہیں۔
صدور موافقة خادم الحرمين الشريفين على تعيين عددٍ من الأئمة والخطباء في الحرمين الشريفين pic.twitter.com/uPAaPXTgwU
— رئاسة شؤون الحرمين (@ReasahAlharmain) October 12, 2019
حرمین شریفین انتظامیہ نے ٹویٹر پر کہا ہے کہ انتظامیہ کے سربراہ شیخ ڈاکٹر عبدالرحمن السدیس نے حرمین شریفین میں نئے تعینات ہونے والے ائمہ اور خطباء کے ساتھ ملاقات کی اور سعودی حکومت کا شکریہ ادا کیا ۔
شیخ السدیس نے کہاہے کہ شاہ سلمان اور ولی عہد شہزادہ محمد بن سلمان حرمین شریفین کو اولین اہمیت دیتے ہیں۔
واٹس ایپ پر سعودی عرب کی خبروں کے لیے ”اردو نیوز“ گروپ جوائن کریں
