برسبین ٹیسٹ: دوسری اننگز میں تین پاکستانی کھلاڑی آؤٹ

پاکستان اور آسٹریلیا کے درمیان پہلے ٹیسٹ میں آسٹریلیا کی ٹیم پاکستان کے 240 رنز کے جواب میں اپنی پہلی اننگز میں 580 رنز بنا کر آؤٹ ہوئی۔

پاکستان ٹیم کی برسبن ٹیسٹ میں دوسری اننگز جاری ہے جس میں پاکستان کے تین کھلاڑی آؤٹ ہو چکے ہیں۔

کپتان اظہر علی پانچ رنز بنا کر مچل سٹارک کی گیند کا شکار بنے، مڈل آرڈر بیٹسمین حارث سہیل پہلی اننگز کی طرح ہی دوسری اننگز میں بھی مچل سٹارک کی تیز رفتار گیند پر وکٹ کیپر ٹمپین کیچ تھما بیٹھے۔

پہلی اننگز کے سٹار بیٹسمین اسد شفیق دوسری اننگز میں اپنا کھاتا کھولے بغیر ہی پولین لوٹ گئے۔

اوپنر شان مسعود اور بابر اعظم وکٹ پر موجود ہیں۔ دوسری اننگز کے 10 اوور کے اختتام پر آسٹریلیا کو 307 رنز کی برتری حاصل ہے۔

آسٹریلیا کی جانب سے مچل سٹارک نے دو اور پیٹ کمنز نے ایک وکٹ حاصل کی ہے۔