جازان: امام مسجد پر حملہ کرنے والا گرفتار

جازان ریجن کی بیش کمشنری کی جامع مسجد ’طناطن‘ کے امام کو نماز کے دوران چاقو سے زخمی کرنے والے شخص کو گرفتار کر لیا گیا ہے۔

امام کو شدید زخمی حالت میں ہسپتال منتقل کر دیا ہے جہاں ان کی حالت قدرے بہتر بتائی جاتی ہے۔

 ویب نیوز ’سبق‘ کے مطابق واقعہ بیش کمشنری میں اس وقت پیش آیا جب جامع مسجد طناطن کے امام نماز جمعے کی دوسری رکعت میں تھے کہ اچانک ایک شخص نے ان پر چاقو سے حملہ کر دیا۔

حملہ آور کے بارے میں بتایا جاتا ہے کہ وہ نفسیاتی مریض ہے۔ ملزم کو گرفتار کر لیا گیا جس سے تحقیقات جاری ہیں۔ حملہ آور کے بارے میں بتایا جاتا ہے کہ وہ اسی قصبے کا رہائشی ہے اور کافی عرصے سے نفسیاتی ہسپتال میں زیر علاج تھا۔