امارات میں کورونا کے 72 نئے مریض

 متحدہ عرب امارات میں جمعہ کو کورونا وائرس  کے72 نئے کیس ریکارڈ پر آئے ہیں-

اماراتی حکام کے مطابق کورونا وائرس کے مریضوں کی مجموعی تعداد 405 ہے - اب تک 55 صحت یاب ہوچکے ہیں جبکہ دو کی موت واقع ہوچکی ہے-

 دیگرخلیجی ممالک میں نئے کورونا واُئرس سے متاثرین کی تعداد میں جمعہ کو 139 کا اضافہ ہوا ہے- متاثرین میں 26 کی حالت نازک ہے-

خلیجی ممالک میں اب تک 2808 افراد کورونا وائرس سے متاثر ہوچکے جبکہ 437 صحت یاب ہوچکے ہیں-

سکائی نیوز کے مطابق جمعہ کو لبنان میں 23 متاثرین کا اضافہ ہوا- ایک ہلاک ہوگیا- متاثرین کی مجموعی تعداد 391 تک پہنچ گئی ہے-

کویتی وزارت صحت نے جمعہ کو بیان جاری کرکے کہا ہے کہ کورونا کے مزید  17 مریض آئے ہیں- اس طرح کورونا کے مریضوں کی تعداد 225 ہوگئی ہے-

سلطنت عمان کی وزارت صحت نے اعلامیہ جاری کرکے بتایا ہے کہ جمعہ کو کورونا وائرس کے مزید 22 مریض ریکارڈ پر آئے ہیں-

سبق ویب سائٹ کے مطابق عراق میں جمعہ کو مزید 76 افراد کورونا سے متاثر پائے گئے- متاثرین کی مجموعی تعداد 458 تک ہوگئی ہے-

عراقی وزارت صحت کے مطابق نئے مریضوں میں سے  14 کا تعلق بغداد، 36 کا تعلق بصرہ، 18 کا نجف اور 3 کا تعلق اربیل سے ہے-

علاوہ ازیں کرکوک، السلیمانیہ، ذیکار اور صلاح الدین میں ایک’ ایک شخص کورونا سے متاثر پایا گیا-

عراق میں جمعہ کو کورونا سے 2 افراد  ہلاک ہوگئے- کورونا سے مرنےوالوں کی تعداد 40 ہوگئی- مجموعی طور پرصحت یاب افراد کی تعداد 122 ہے-