شاہ سلمان کا شہزادہ چارلس سے رابطہ

خادم حرمین شریفین شاہ سلمان بن عبدالعزیز نے برطانوی ولی عہد شہزادہ چارلس سے ٹیلیفون پر رابطہ کرکے ان کی صحت دریافت کی-

 برطانوی ولی عہد حال ہی میں’کورونا وائرس‘ سے متاثر ہوئے تھے - وہ 14 دن قرنطینہ میں رہ کر صحت یاب ہوگئے ہیں-

سعودی خبررساں ادارے ایس پی اے کے مطابق شاہ سلمان اور شہزادہ  چارلس نے اس موقع پر سعودی عرب اور برطانیہ کے  دوستانہ تعلقات کو ماضی کی طرح مستقبل میں بھی مضبوط بنائے رکھنے کا عزم کا اظہار کیا۔

شہزادہ چارلس نے مزاج پرسی کے لیے رابطہ کرنے اور دوستانہ جذبات کےاظہار پر شاہ سلمان کا شکریہ ادا کیا جب کہ پروازوں پر پابندی سے قبل مملکت میں موجود برطانیہ کے سیاحوں اور عمرہ زائرین کی منتقلی کے سلسلے میں تعاون پر سعودی عرب کے لیے قدرو منزلت کا اظہار کیا-

برطانوی ولی عہد نے شاہ سلمان کے زیر قیادت جی 20 کے ہنگامی سربراہ اجلاس کے انعقاد کی تعریف کرتے ہوئے کہا کہ مملکت نے یہ اقدام کرکے نئے کورونا وائرس کے پھیلنے سے دنیا بھر میں پیدا ہونے والے مسائل کم کرنےکی قابل قدر کوشش کی ہے۔