کرفیو میں نرمی : کیا کھلا رہے گا، کیا بند ہوگا

سعودی عرب میں حکام کی جانب سے کرفیو اور احتیاطی و حفاظتی تدابیر میں نرمی کا اعلان کیا گیا ہے جس پر مرحلہ وار عمل کیا جائے  گا۔

جمعرات 28 مئی سے ہفتہ 30 مئی تک:

•  تمام ریجنوں میں میں صبح 6 بجے سے دوپہر 3 بجے تک گھروں سے نکلنے کی اجازت ہوگی۔

  مزید پڑھیں

  • 
    ’کورونا کے بعد فضائی سفر کے لیے احتیاطی تدابیر لازمی‘

    Node ID: 481156
  • 
    حالات معمول پر لانے کے لیے جمعرات سے نئی حکمت عملی

    Node ID: 481171
  • 
    کرفیو میں نرمی اور مساجد کھولنے کا اعلان، اندرون ملک سفر کی اجازت

    Node ID: 481181

• کرفیو سے خارج اوقات میں نجی گاڑی سے ملک کے شہروں اور صوبوں کے درمیان سفر کی  کی اجازت ہوگی۔

• کرفیو سے خارج اوقات میں تھوک اور ریٹیل کا کاروبار کھولا جائے گا، تجارتی مراکز اور مالز بھی کھولیں جائیں گے۔

• باربر شاپس، بیوٹی پارلر، فٹنس سینٹر، پلے گراونڈ، سپورٹس کلب، تفریحی مراکز اور سینما گھر بند رہیں گے۔

اتوار 31 مئی سے ہفتہ 20 جون تک:

• صبح 6 بجے سے رات 8 بجے تک کرفیو میں نرمی رہے گی، مکہ مکرمہ اس سے مستثنی ہوگا۔

• تمام مساجد جمعہ اور جماعت کے لیے کھول دی جائیں گی۔ مکہ مکرمہ کی مساجد اس سے مسثنی ہوں گی۔

• مسجد الحرام میں جمعہ اور باجماعت نماز موجودہ احتیاطی تدابیر کے ساتھ جاری رہیں گی۔

• تمام سرکاری ونجی اداروں میں ڈیوٹی کی معطلی ختم کردی جائے گی۔ ملازمین مقررہ ضوابط کے مطابق دفاتر میں ڈیوٹی دیں گے۔

• اندرون ملک فضائی سفر سمیت ٹراٹسپورٹ کے دیگر ذائع سے سفر کی اجازت ہوگی۔

• حفاظتی تدابیر کی پابندی کے ساتھ تمام ریستوران، کیفے اور قہوہ خانے کھل جائیں گے۔

• پبلک مقامات پر سماجی دوری کی پابندی جاری رہے گی۔ شادی کی تقریبات اور تعزیتی اجتماعات میں 50 سے زیادہ افراد کے جمع ہونے کی اجازت نہیں ہوگی۔

اتوار21 جون :

• ملک کے تمام ریجنوں اور شہروں میں حالات معمول پر آجا ئیں گے البتہ مکہ مکرمہ میں تاہدایت ثانی پابندی بر قرار رہے گی۔

• عمرہ اور زیارت پر پابندی برقرار رہے گی۔

• بین الاقوامی پروازیں تاہدایت ثانی معطل رہیں گی۔